Y Daith Hyd yn Hyn

Mae ein cynigion ar gyfer ail-lunio gwasanaethau wedi’u cynllunio, gwasanaethau acíwt a gwasanaethau brys wedi'u datblygu dros nifer o flynyddoedd. Rydym wedi gwrando ar farn staff y GIG, rhanddeiliaid a chleifion ac mae ein meddylfryd wedi cael ei yrru gan ein hawydd i:

• Wella mynediad at ofal o ansawdd uchel
• Gwella canlyniadau i gleifion
• Lleihau amserau aros
• Darparu mynediad at driniaeth pan fydd ei hangen
• Adnewyddu ein hysbytai trwy roi rôl glir i bob un ohonynt
• Sicrhau bod staff y GIG yn teimlo eu bod yn cael cefnogaeth.

Datblygwyd Newid er y Dyfodol bron i ddegawd ar ôl y rhaglen wreiddiol Newid er Gwell yn 2012. Mae'r rhaglen wreiddiol, sef Rhaglen gysylltiedig De Cymru, ac ymrwymiadau dilynol wedi ceisio sicrhau bod ein gwasanaethau iechyd yn gynaliadwy. Bellach mae angen i ni hefyd fynd i'r afael â'r heriau sy'n codi o'r pandemig byd-eang.

Yn 2019 gwnaethom adnewyddu Newid er Gwell a chynhyrchu ein Cynllun Gwasanaethau Clinigol a oedd yn adlewyrchu cynnydd dros yr ychydig flynyddoedd diwethaf, ac rydym wedi gwneud rhywfaint o gynnydd da iawn ond mae angen i ni fynd ymhellach.

Mae'r rhaglen Newid er y Dyfodol yn cynnig ail-siapio gwasanaethau iechyd lleol mewn ffordd sydd:

• Yn gynaliadwy yn ariannol
• Yn gwneud y defnydd gorau o'r adnoddau presennol a buddsoddiad newydd
• Yn cefnogi pobl i reoli eu cyflyrau a'u symptomau eu hunain yn well
• Yn mynd i'r afael â thechnoleg fodern
• Yn annog ac yn cefnogi ffyrdd newydd o weithio
• Yn grymuso gweithlu iechyd a gofal sy'n teimlo eu bod yn cael cefnogaeth

Os hoffech wybod mwy, archwiliwch y wefan hon, adolygwch y ddogfen ymgysylltu a chwblhewch ein harolwg.

CYMERWCH YR AROLWG